"मृत्यूपत्र..........."
आजपर्यंत मी मानानं जगलोतुमच्या साठी घामानं भिजलो
म्हताऱ्या हाडाची काड करून
तुमच्या साठी तीळतिळ झीझलो
भाऊभाऊ तुम्ही वैरी झाला
एका काकरी साठी जीवावर उठला
मी मधी बोललो तर..."तुमाला काय कळतंय उगीच मध्ये मध्ये कडमाडू नका "
माझा उपद्रव तुम्हाला झाला
रोजची हमरीतुमरी पाहतोय मी
घरचा तमाशा बघतोय मी
"आजचं कशाला उद्यावर ढकलता"
धाटणी सुनांची आयकतोय मी
सुना रोज डोळं मुरडतात
भाकरी कुत्र्यासम ताटात टाकतात
पाणी माघीतल तर... "कसा गचकेना थेरडा ऐकदाचा"
टोमण्याने पाणी तोंडाव मारतात
कालची माझी बाळं तुम्ही
आजचं जवानीचं वारं तुम्ही
एका जमिनीच्या तुकड्या साठी....
डोकं एकमेकाचं फोडलं तुम्ही
इतकी कारे देवा पोरं बदलतात
हाताचा पाळणा हिश्यात विसरतात
भाऊच वैरी बनून भावाचा...
म्हताऱ्या बापाला लाथेने उडवतात
नकोच झालंय देवा आता.....
म्हताऱ्या बापाचं लाचार जगणं
हृदयभेदी शब्द बाणावर
भीष्म पितामाचं शैयेवर झोपणं
म्हणूनच.....
यांचं यांना देऊन टाकू
लिहायचे ते लिहून टाकू
मृत्यूपत्र एकदाचं खरडून
डोळं कायमचं मिटून टा
No comments:
Post a Comment